中大生後悔無入讀港大釣金龜　網民：讀書還是配種？

入讀大學原意是進修增值自己，學一門專業知識為日後事業發展做好準備，但近日有中大生網上發帖指，後悔棄入讀港大改選中大，原因竟然是中大少「有錢仔」，令她無法「釣金龜」。帖文上載後引來網民熱烈討論。

日前一名中大生於fb 群組CUHK Secrets發帖，指自己「真心後悔當初無入港大」，當初覺得港大人「太有錢高攀唔起」，但後來事主發現不論讀書時或畢業後都難以結識有錢人，大多數有錢男人都已有女朋友、或已結婚、甚至已有小朋友，所以她認為當時應入讀港大「試吓釣金龜」，又稱「如果當初入u識到啲筍盤就好。」

事主的完整帖文如下：

真心後悔當初冇入港大。當初我揀中大係因為我覺得港大啲人太有錢高攀唔起佢地，但而家我就覺得我應該當初入港大，試下釣金龜。喺中大真係好難識到啲筍盤，因為中大有錢仔好少，大部分cluster哂喺某啲major，唔係讀呢啲major好難親近佢地。喺其他地方出現嘅有錢仔比較少見，所以俾人mark哂。港大就相反通街都係有錢仔，自然好容易識到啲筍盤。而家grad後係會有時識到啲有錢男人，但佢地多數有哂女朋友，結咗婚，或離咗婚但有小朋友。如果當初入u識到啲筍盤就好。

帖文上載後引來網民熱烈討論，更有網民神回覆稱：

 請問你上大學是來讀書還是來配種的？

該留言引來逾千讚好，更大讚網民「突破盲腸（突破盲點）」，亦有網民認為事主應該「靠自己」而非一心想「釣金龜」，網民指想識「有錢仔」應該外國升學而非留在香港讀大學：

我喺港大畢業，但一個有錢仔都識唔到⋯

係有錢仔就唔使留係香港讀土炮U啦